By Vets for Future on January 16, 2010
2009 වසරේදී ලංකාව පුරා දිස්ත්රික්ක 9 ක සුනඛයන් 156,123 ක් අප සංගමයේ පශු වෛද්යවරුන් විසින් වන්ධ්යාකරණයට ලක් කළ අතර ඒ අතුරින් කුරුණෑගල දිස්ත්රික්කයේ සුනඛයන් 46,942 ක්ද, සබරගමුව පළාතේ කෑගල්ල හා රත්නපුර දිස්ත්රික්ක වල සුනඛයන් 57,110 ක්ද වන්ධ්යාකරණයට ලක් කරන ලදී. පළාත් සෞඛ්ය සේවා අධ්යක්ෂවරුන්ගේ නායකත්වය යටතේ සෞඛ්ය සේවයට සම්බන්ධ සියලුම නිළධාරින්ගේ මනා සැලසුම්සහගත බවත්, කැපකිරීමත් නිසා මෙතරම් විශාල සතුන් සංඛ්යාවක් වන්ධ්යාකරණය කරමින් ජාතික ඉලක්කය සපුරාගැනීමට වැඩි දායකත්වයක් දැක්වීමට අපට හැකිවිය. දිවා රෑ නොබලා තමන්ගේ මූලික අවශ්යතාවයන් වලට පවා මූලිකත්වය නොදෙමින්, ජාතික ඉලක්කයන් උදෙසා තම කාලය, ශ්රමය කැපකළ පශු වෛද්යවරුන්ට, පශු වෛද්ය සහයකයන්ට සංගමයේ ප්රණාමය පුදකරමු.
Number of Dogs Sterilized in 2009
Number of Dogs Sterilized in 2009
Posted in News, Sinhala
By Vets for Future on January 16, 2010
2009 වසරේ සුනඛ වන්ධ්යාකරණ වැඩසටහනේ අප ලබාගත් ප්රගතිය සමාලෝචනය කිරීමටත්, මතුවූ ගැටළුසහගත තත්ත්වයන් මගහරවා ගනිමින් 2010 වසර තවදුරටත් සාර්ථක කරගැනීම උදෙසා ක්රියා කළයුතු ආකාරය පිළිබඳව සාකච්ඡා කිරීමටත් 2010-01-12 දින රාත්රී 7.00 ට කුරුණෑගල කුලියාපිටියේදී අප සංගමයේ සාමාජිකයන්ගේ සුහද හමුවක් පැවැත්විණි.
Posted in News, Sinhala
By Vets for Future on January 16, 2010
2009-11-24 වන දින ජලභීතිකාව තුරන් කිරීම සඳහා වූ පශු වෛද්ය එකමුතුව විසින් කරන ලද ඉල්ලීමට අනුව ජාතික සුනඛ වන්ධ්යාකරණ වැඩසටහන පිළිබඳව සමාලෝචනය කිරීමටත්, ඉදිරි වැඩකටයුතු සම්බන්ධයෙන් සාකච්ඡා කිරීමටත් 2009-12-18 වන දින උදෑසන 8.00 ට නියෝජ්ය අධ්යක්ෂ ජනරාල් (මහජන සෞඛ්ය) වෛද්ය පාලිත මහීපාල මහතාගේ මූලිකත්වයෙන් සාකච්ඡාවක් සෞඛ්ය අමාත්යාංශයේදී පැවැත්විණි. මෙයට ජලභීතිකා රෝග මර්ධන අංශයේ අධ්යක්ෂ වෛද්ය හරිස්චන්ද්ර මහතාද අමාත්යාංශය වෙනුවෙන් සහභාගී විය. පුබුදු සමරවීර, චමිත් නානායක්කාර, උදය විජේවර්ධන ඇතුළුව ලංකාවේ සියලුම පළාත් නියෝජනය වන පරිදි වෛද්යවරුන් දසදෙනෙකු මෙම සාකච්ඡාවට සංගමය වෙනුවෙන් සහභාගී විය.
මතුවී ඇති ගැටළු පිළිබඳව සාකච්ඡා කොට දැනට ක්රියාත්මක කරන වැඩසටහන ක්රමවත් කරගැනීම උදෙසාත්, ගුණාත්මකභාවය වැඩිදියුණු කරගැනීම සඳහාත්, ජලභීතිකා රෝගය තුරන් කිරීම සඳහා ක්රියාත්මක වන සියලු පාර්ශවයන් සමන්විත ජාතික කමිටුවක් ජනවාරි මස අවසන් වීමට පෙර පිහිටුවීමට වෛද්ය මහීපාල මහතා එකඟ විය. වන්ධ්යාකරණයට ලක් කරන සතුන් හඳුනාගැනීම සඳහා අමාත්යාංශය විසින් යෝජනා කොට ඇති ක්රමවේදය ප්රායෝගිකව ක්රියාත්මක කිරීමේ යම් යම් අඩුපාඩු පැවතුණත් වෛද්ය හරිස්චන්ද්ර මහතාගේ හේතු පැහැදිළි කිරීමෙන් පසුව එම යෝජනාව ක්රියාත්මක කිරීමට සංගමයේ එකඟතාවය පළවිය.
පළාත් මට්ටමෙන් සුනඛ වන්ධ්යාකරණ කටයුතු සඳහා ටෙන්ඩර්පත් කැදවීමේදී සිදුකරන අඩුපාඩු සම්බන්ධයෙනුත්, පළාත් මට්ටමෙන් වන්ධ්යාකරණ කටයුතු සඳහා මුදල් ලබාදීමේදී වන ප්රමාදයන් සම්බන්ධයෙනුත් සංගමය විසින් වෛද්ය මහීපාල මහතා වෙත කරුණු ඉදිරිපත් කරන ලදී. 2010 වසරේ වැඩසටහන ආරම්භ කිරීමට පෙර පවත්වන රැස්වීමේදී මේ සම්බන්ධයෙන් අවධානය යොමු කරන බව ඔහු ප්රකාශ කර සිටි නමුත් පළාත් මට්ටමින් වැඩසටහන ක්රියාත්මක කිරීමේදී අදාල කටයුතු වල වගකීම සම්පූර්ණයෙන්ම පළාත් සෞඛ්ය දෙපාර්තමේන්තුව සමග සාකච්ඡා කොට එකඟතාවයකට පැමිණීම අපගේ වගකීම බව ඔහු අවධාරණය කර සිටියේය.
2008 හා 2009 වසර වලදී සුනඛ වන්ධ්යාකරණ වැඩසටහන ක්රියාත්මක කිරීමේදී වෛද්ය මහීපාල මහතා විසින් ලබාදුන් සහයෝගය සැමදෙනාගේම පැසසුමට ලක්විය.
Posted in News, Sinhala
By Vets for Future on January 16, 2010
සතුන්ට ආදරය කරන, සතුන්ගේ ජීවිත රැකගැනීම වෙනුවෙන් තමන්ගේ කාලය, ශ්රමය හා ධනය කැප කරන හිතාදර ඔබ සැමට සාමය සතුට ආදරය පිරි සුභ නව වසරක් වේවා!
May this year be a peaceful and happy one for you, who love animals, who dedicate their invaluable time, effort and money for protect the lives of animals.
Posted in Announcements, Sinhala
By Vets for Future on December 8, 2009
2009 දෙසැම්බර් මස 05 වන දින මොණරාගල නගරයේ අයාලේ යන සුනඛයන් අල්ලා වන්ධ්යාකරණය කිරීමේ පශු වෛද්ය සායනයක් මොණරාගල රෝහල් භූමියේ ක්රියාත්මක විය. අයාලේ යන සුනඛයන් ඇල්ලීම සඳහා අපගේ කණ්ඩායමක් නගරය පුරා උදෑසන සිට රාජකාරි වල නිරත විය. එදින සවස මොණරාගල නර්සින් හෝම් අසළදී සුනඛයෙකු ඇල්ලීම සඳහා නිර්වින්දන එන්නත් ලබාදුන් පසු එතැනට පැමිණි මොණරාගල නර්සින් හෝම් අධිපති රත්නායක මුදියන්සේලාගේ ආරියසිරි නැමැත්තා සෞඛ්ය අමාත්යාංශයේ නිළ රාජකාරියක නිරතව සිටි අපගේ සේවකයාට කොලරයෙන් ඇද දරුණු ලෙස මුහුණට පහර දෙන ලදී. එම මොහොතේ ආරියසිරි නැමැත්තා අධික ලෙස බීමත්ව සිටි අතර මේ පිළිබඳව අප මොණරාගල පොලිසිය වෙත සවස හතරට පමණ පැමිණිල්ලක් කළ අතර වහාම ක්රියාත්මක වූ පොලිස් ස්ථානාධිපතිතුමා පොලිස් කණ්ඩායමක් යවා ඔහුව පොලිසිය වෙත රැගෙන එන ලදී. ඔහු විසින් කරන ලද ක්රියාවේ බරපතලකම තේරුම්ගත් ඔහු පොලිසිය ඉදිරියේ පහරදුන් තැනැත්තාගෙන් සමාව අයැද සිටි අතර ඔහුට සිදු කළ අනතුර සම්බන්ධයෙන් වන්දි මුදලක් ගෙවීමටද එකඟ විය. නැවත වරක් එවැනි වැරදි නොකරන පොරොන්දුව මත ඔහුට සමාව ලබාදුන් අතර ඉදිරියේදී සුනඛ වන්ධ්යාකරණ වැඩසටහන් සඳහා සුනඛයන් ඇල්ලීමට යන අවස්ථා වල අපගේ සේවකයන්ගේ ආරක්ෂාව සම්බන්ධයෙන් ප්රාදේශීය සෞඛ්ය සේවා අධ්යක්ෂ කාර්යාල සමග කතා කළ යුතු බවද අපට හැඟුණි.
මෙම සිදුවීම සිදුවූ වහාම සිරස මාධ්ය ජාලයේ නිමේධ මහතාට දුරකථනයෙන් දන්වන ලද අතර මෙවැනි සිදුවීම් යළි නොවන්නට මේ සම්බන්ධයෙන් ශ්රී ලාංකීය ජනතාව වෙත සිරස මාධ්ය ජාලය හරහා ප්රචාරයක් ලබාදීම ගැන අප ඔහුට අපගේ ස්තූතිය පුද කරන්නෙමු.
මොණරාගල පොලිස් ස්ථානාධිපතිතුමා ඇතුළු අනෙකුත් පොලිස් නිළධාරින් අපගේ පැමිණිල්ල ලද විගසම ක්රියාත්මක වූ ආකාරය ඉතාමත් ප්රශංසනීය කටයුත්තකි. මෙවැනි ආදර්ශමත් පොලිස් නිළධාරින් පොලිස් දෙපාර්තමේන්තුවට ගෞරවයකි.
Posted in News, Sinhala
By Vets for Future on December 8, 2009
ජලභීතිකාව තුරන් කිරීම සඳහා වූ පශු වෛද්ය එකමුතුවේ වෛද්ය චමිත් නානායක්කාර 2009-11-26 වන දින ජාතික සුනඛ වන්ධ්යාකරණ වැඩසටහන සම්බන්ධයෙන් සාකච්ඡාවක් ලබාගැනීම සඳහා ඉල්ලීමක් සහිත ලිපියක් ගරු සෞඛ්ය ඇමති නිමල් සිරිපාල ද සිල්වා මැතිතුමා වෙත භාරදෙන ලදී.
එදිනම එම ලිපියේ පිටපත් සෞඛ්ය ලේකම් වෛද්ය කහඳලියනගේ, අතිරේක ලේකම් වෛද්ය නිහාල් ජයතිලක, නියෝජ්ය අධ්යක්ෂ ජනරාල් (මහජන සෞඛ්ය සේවා) වෛද්ය පී. ජී. මහීපාල මහත්වරුන් වෙතත් භාරදෙන ලදී.
Continue reading “ජාතික සුනඛ වන්ධ්යාකරණ වැඩසටහන පිළිබඳව සාකච්ඡාවක් ලබාගැනීමට සෞඛ්ය ඇමතිතුමාට ඉල්ලීමක්”
Posted in Announcements, Sinhala
By Vets for Future on November 24, 2009
සුනඛයන්ගේ, බළලුන්ගේ ජීවිත ගැන පමණක් නොව අහිංසක මරණය වෙත කැන්දාගෙන යන අහිංසක ගවයන්ගේ ජීවිත වලට පවා වටිනාකමක් ලබාදීමට කටයුතු කරන ඇය ජාතික සුනඛ ගහණ වන්ධ්යාකරණ වැඩසටහන ආරම්භ කිරීමට මෙන්ම ක්රියාත්මක කිරීමේදී මතුවූ ගැටළු නිරාකරණය කරගැනීමට පවා නිරතුරුවම දායක වෙමින් අපට ශක්තියක් විය. 
2009 නොවැම්බර් මස 22 දින ජලභීතිකාව තුරන් කිරීම සඳහා වූ පශු වෛද්ය එකමුතුවේ වෛද්යවරුන් හමුවී ඔවුන්ගේ ගැටළු පිළිබඳව සවන් දීමටත්, සුනඛයන් වන්ධ්යාකරණය කිරීමේදී ඔවුන්ගේ ජීවිත වලට නිසි වටිනාකම ලබාදෙන දෙස ඉල්ලා සිටීමටත් ඇය අප හා එක්විය. ඇය වෙන කිසිවෙකු නොව ගරු සෞඛ්ය ඇමතිතුමාගේ බිරිඳ වන අයිරාංගනී ද සිල්වා මහත්මියයි. ඇය මෙන්ම නිරතුරුවම අපට ශක්තියක් වූ ලෝක සෞඛ්ය සංවිධානයේ විශාකා තිලකරත්න මහත්මියගේ වටිනා අදහස්ද පශු වෛද්ය එකමුතුවේ ඉදිරි ක්රියාමාර්ග සඳහා බොහෝ වැදගත් විය.
Posted in Announcements, Sinhala
By Vets for Future on November 24, 2009
ජාතික සුනඛ ගහණ පාලන වන්ධ්යාකරණ වැඩසටහනට සම්බන්ධ සියලු දිස්ත්රික්ක වල පශු වෛද්ය නියෝජිතයන්ගේ හමුවක් 2009 නොවැම්බර් මස 22 දින කොළඹ 3 ගුරුගෙදර ශ්රවණාගාරයේදී පැවැත්විණි. වන්ධ්යාකරණ කටයුතු කරගෙන යෑමේදී පවත්නා ගැටළු සහ අනාගත අභියෝග ජය ගත යුතු ආකාරය පිළිබඳව මෙහිදී දීර්ඝ ලෙස සාකච්ඡා කළ අතර වන්ධ්යාකරණ වැඩසටහන ක්රියාත්මක කිරීමේදී ලංකාව පුරාම කණ්ඩායමක් ලෙස එක්වී කටයුතු කිරීමේ වැදගත්කම සැමදෙනාටම අවධාරණය වී තිබීම නිසා ජලභීතිකාව තුරන් කිරීම සඳහා වූ පශු වෛද්ය එකමුතුව ලෙස සංවිධානගත වීමට තීරණය විය. මෙම සංවිධානයේ කැඳවුම්කරු ලෙස වෛද්ය පුබුදු සමරවීර මහතා තෝරා පත්කරගන්නා ලද අතර සියලු දිස්ත්රික්ක සඳහා නියෝජිතයන් මෙහිදී පත්කරගන්නා ලදී. ශ්රී ලංකා පශු වෛද්ය සංගමයේ ලේකම් වෛද්ය උෂාන් පල්ලේගම මහතාත් මෙම අවස්ථාවට සහභාගී විය.
දිස්ත්රික් නියෝජිතයින්
මහනුවර - වෛද්ය ජේ. ආර්. අනුරංග බණ්ඩාර
මාතලේ - වෛද්ය ඩී. ජී. යූ. සාගරතිලක
නුවරඑළිය - වෛද්ය කේ. එම්. මිලින්ද කොල්ලැල්පිටිය
කෑගල්ල - වෛද්ය නිෂාන්ත විජේසේකර
රත්නපුර - වෛද්ය පී. රනිල් කුමාරතිස්ස
බදුල්ල - වෛද්ය එස්. සමීර මලලසේකර
මොණරාගල - වෛද්ය එම්. ඩී. එම්. අනුර කුමාර
කුරුණෑගල - වෛද්ය උදය විජේවර්ධන
පුත්තලම - වෛද්ය ධම්මික පෙරේරා
මඩකලපුව - වෛද්ය කේ. කාර්තිපන්
අම්පාර - වෛද්ය හෙට්ටිහේවා ගමගේ
මාතර/හම්බන්තොට - වෛද්ය එම්. ටී. මාගමගේ
ගාල්ල - වෛද්ය තුෂාර සූරසේන
අනුරාධපුරය - වෛද්ය කේ. එස්. කණිෂ්ක
පොළොන්නරුව - වෛද්ය ඒ. කේ. එම්. ප්රනාන්දු
කොළඹ - වෛද්ය උපුල් දයාරත්න
ගම්පහ - වෛද්ය ඩබ්. එස්. කේ. ගමගේ
කළුතර - වෛද්ය ඩී. එස්. ප්රේමචන්ද්ර
මෙම සංවිධානය ලෙස හැකි ඉක්මණින් සෞඛ්ය අමාත්යාංශ නිළධාරින් සමග ගැටළු නිරාකරණය කරගැනීම සඳහා සාකච්ඡාවක් ලබාගැනීමට තීරණය විය.
Posted in News, Sinhala
By Vets for Future on November 24, 2009
2008 වර්ෂයේ සිට ක්රියාත්මක වන ජාතික සුනඛ වන්ධ්යාකරණ වැඩසටහන සම්බන්ධයෙන් එහි ආරම්භය, දැනට ලබා ඇති ප්රගතිය හා ඉදිරියේදී ජලභීතිකා රෝගය සහමුලින්ම මුලිනුපුටා දැමීම සඳහා ඇති අභියෝග සම්බන්ධයෙන් ශ්රී ලංකා පශු වෛද්ය සංගමයේ නිළධාරින් දැනුවත් කිරීමේ හා ඔවුන්ගේ අදහස් ලබාගැනීමේ සාකච්ඡාවක් 2009 නොවැම්බර් මස 20 දින රාත්රී 7.00 ට කොළඹ Organization of Professionals Associations ගොඩනැගිල්ලේදී පැවැත්විණි. ශ්රී ලංකා පශු වෛද්ය සංගමයේ ලේකම් වෛද්ය උෂාන් පල්ලේගම, භාණ්ඩාගාරික වෛද්ය සුමුදු කාරියවසම්, උප භාණ්ඩාගාරික වෛද්ය සුසන්ත මල්ලවආරච්චි යන මහත්වරුන් එම සාකච්ඡාවට සහභාගී විය.
Posted in News, Sinhala
By Vets for Future on November 20, 2009
During November 18th – 19th a team of veterinary surgeons from our association participated to a supervision tour at Giribawa MOH area in order to find out the dogs suffering from Distemper Viral Disease and to provide treatments to those diseased animals. They also conducted education programs to the community about the disease / prevention / treatments.
During that tour, apart from treating the diseased dogs they did a post evaluation of the Dog Sterilization Program conducted during August 2009 which successfully covered about 80% percent of the total dog population.
Posted in News
Membership No: CP/KY/2009/0003