මීමැසි ප්‍රහාරයකට ලක්වීම හේතුවෙන් කෑගල්ල ගලිගමුව යට්ටෝ‍ගොඩ, යටාලතිස්ස විද්‍යාලය තාවකාලිකව වසා දමා තිබේ.

කෑගල්ල කලාප අධ්‍යාපන අධ්‍යක්ෂ එච්.‍ඒ. හේමාවතී හාමිනේ පැවසුවේ, මීමැසි ප්‍රහාරයෙන් පාසලේ විදුහල්පතිවරයා, ආචාර්ය මණ්ඩලයේ කිහිපදෙනෙකු හා සිසුන් හතරදෙනෙකු රෝහල්ගත කර ඇති බවයි.

පාසලේ නිවාසන්තර ක්‍රිඩා සඳහා දරු දැරියන් සුදානම්ව සිටියදී එම මී මැසි ප්‍රහාරය එල්ල වී තිබේ.

කුකුළු මස් හා බිත්තර පරිභෝජනය කිරිමට කිසිදු බියක් ඇති කරගත යුතු නැතැයි සමස්ත ලංකා කුකළු ව්‍යාපාරිකයින්ගේ සංගමය අවධාරණය කළේය.

මේ අතර අදාළ ප්‍රවෘත්ති සාකච්ඡාවේදි අදහස් දක්වමින් වයඹ පළාත් කෘෂිකර්ම, සත්ත්ව නිෂ්පාදන හා සංවර්ධන අමාත්‍ය ඩී.බී.හේරත් පැවසුවේ හෙම්බිරිස්සාව වැනි රෝගයක් කුකුලන්ට වැළඳි ඇති බවය.

එනම් ප්‍රතිශක්තිය අඩුවීමේ ක්‍රියාවලියකට කුකුලන් භාජනය වීමක් සිදු වූ බව ඔහු සදහන් කළේය.

ඔහු වැඩිදුරටත් පැවසුවේ සෞඛ්‍ය සංවිධාන එකමුතු වී මේ පිළිබඳව නිවරුදි විමර්ශනයක් කර කරුණු සොයාබලා තිබෙන බවය.

සුළු ව්‍යාධිජනක කුකුළු ප්‍රතික්ෂා වෛරසය හඳුනාගත් බිංගිරිය ප්‍රදේශයේ ගොවිපලේ කුකුලන් විනාශ කෙරිණි.

කුරුණෑගල බිංගිරිය ප්‍රදේශයේ බිත්තර නිෂ්පාදන ගොවිපලක කුකුලන් මිය යාමට පටන් ගෙන තිබුණේ දින කිහිපයක සිටය.

එහි කුකලන් 5000කට ආසන්න සංඛ්‍යාවක් සිටි බව වාර්තා විය.

මේ තත්ත්වය පිළීබඳව සත්ත්ව නිෂ්පාදන හා සෞඛ්‍ය දෙපාර්තමේන්තුව  පසුගියදා පර්යේෂණ ආරම්භ කළේය.

ඩෙංගු මදුරුවන් බෝවන පරිදි පරිශ්‍ර පවත්වාගෙන ගිය බවට එල්ල වූ චෝදනාවකට අදාළව අධිකරණයේ පෙනී නොසිටීම හේතුවෙන් වරෙන්තු ලබා සිටි රත්මලාන දුම්රිය අංගනයේ ප්‍රධාන යාන්ත්‍රික ඉංජිනේරුවරයාට දඬ නියම කෙරිණ.

ඒ අදාළ නඩුව ගල්කිස්ස අතිරේක මහේස්ත්‍රාත් රුචිර වැලිවත්ත මහතා හමුවේ  කැඳවූ අවස්ථාවේදීය.

අධිකරණයේ පෙනී නොසිටීමේ වරදට රුපියල් හත්දහස් පන්සියයක දඩයක් විත්තිකරුට නියම කළ අධිකරණය  මදුරු කීටයන් බෝවන පරිදි පරිශ්‍ර පවත්වාගෙන යාමේ චෝදනාවට රුපියල් දස දහසක දඬයක් පැනවීය.

ගාල්ල, රත්ගම කලපුවේ මසුන් රැසක් හදිසියේ මියගොස් ඇති බවට ධීවරයින් පවසයි.

මේ පිළීබඳව බලධාරීන් දැනුවත් කළ ද මෙතෙක් ගැටලුවට විසඳුම් නොලැබුණු බව ඔහු සදහන් කළේය.

මේ පිළිබඳව අප වෙරළ සංරක්ෂණ දෙපාර්තමේන්තුවේ අධ්‍යක්ෂ ජනරාල් ආචාර්ය අනිල් ප්‍රේමරත්නගෙන් විමසීමක් කළේය.

ඔහු පැවසුවේ අදාළ ගැටලුව පිළිබඳ සොයා බැලීමට නිලධාරියෙකු අද පිටත්කර හරින බවය.

යාල ජාතික වනෝද්‍යානයට නැරඹීම සඳහා ප්‍රවේශ පත් ලබා ගත් දෙස් විදෙස් සංචාරකයින්ට ඊයේ  දිගු වේලාවක් වනෝද්‍යානයෙන් පිටත රැඳී සිටීමට සිදුවිය.

ඔවුන් දැනට දින 9 කට ආසන්න කාලයක් මෙම වෘත්තීය ක්‍රියාමාර්ගය දීප ව්‍යාප්තව සිදුකරනු ලැබේ.

කෙසේ වෙතත් දීර්ඝ නිවාඩුවක් යෙදී තිබීම හේතුවෙන් ඊයේ යාල වනෝද්‍යානය නැරඹීම සඳහා විශාල පිරිසක් පිවිසුම් දොරටු අසළට රැස්ව සිටියේය.

සංචාරකයින්ට තනිව යාල ජාතික වනෝද්‍යානය නැරඹීමේ හැකියාවක් නොමැති අතර ඒ හේතුවෙන් ඔවුන්ට සහාය වීමට වනජීවි සංරක්ෂණ දෙපාර්තමේන්තුවට අනුයුක්ත පුහුණු නියාමකවරුන් යොදවා තිබේ.

සමස්ත ලංකා වනජීවි නියාමක නිලධාරීන්ගේ සංගමයේ සභාපති ප්‍රභාෂ් කරුණාතිලක පැවසුවේ තම සේවයට සරිලන වැටුපක් නොලැබීම හේතුවෙන් මෙම වෘත්තිය ක්‍රියාමාර්ගයට එළැඹුන බවය.

අප කළ විමසීමකදී යාල උද්‍යානය භාරකරු ඩබ්ලිව්. ඒ.ඒ. ඩි. ඉන්ද්‍රජිත්  පැවසුවේ, වෘත්තිය ක්‍රියාමාර්ගයෙන් බැහැරව සිටින සේවකයින්, සංචාරකයින්ට මග පෙන්වීමේ කටයුතු වල නිරතවන බවය.

කෙසේ වෙතත් සංචාරකයින්ට ප්‍රවේශපත්‍ර නිකුත් කිරීමේදී කිසිදු ගැටලුවක් මතුව නොමැති බව ද ඔහු ප්‍රකාශ කළේය.

රාගම ප්‍රදේශයේ වගුරුබිමක තණකොළ කැපිමට ගිය පුද්ගලයෙකු කිඹුලන් සපා කැමෙන් මිය‍ගොස් තිබේ.

සිරුරේ අනෙක් කොටස් සියල්ල ම කිඹුලන් විසින් සපා කා ඇති බව පොලිසිය සදහන් කළේය.

ජිවිතක්ෂයට පත්ව ඇත්තේ පෑලියගොඩ ප්‍රදේශයේ පදිංචි 33 හැවිරිදි අංජුල උදය කුමාර නැමති අයෙකි.

මොහු තණකොළ කපා ඒවා අලෙවි කර සිය ජිවිතා වෘත්තිය කරගෙන යන පුද්ගලයෙක් බව ද පොලිසිය සදහන් කළේය.

ඝාතනය සදහා සූදානම් කර තිබු එළුවන් 59 දෙනෙකු සමග සැකකරුවන් 4 දෙනෙකු කොටහේන ප්‍රදේශයේදි අත්අඩංගුවට ගෙන තිබේ.

මෙම ස්ථානයේ රඳවා සිටි බැටළුවන් 5 දෙනෙකු සහ ගවයෙකු ද පොලිස් භාරයට ගෙන තිබේ.

පොලිස් මාධ්‍ය ප්‍රකාශක පොලිස් අධිකාරි අජිත් රෝහණ පැවසුවේ මෙහි තිබි එළුමස් ක්‍රිලෝ ගෑම් 243 ක් ද සොයාගත් බවය.

කොටුව පොලිසියේ නිලධාරීන් කණ්ඩායමක් කළ මෙහෙයුමකින් අත්අඩංගුවට ගත් සැකකරුවන් අද අධිකරණයට ඉදිරිපත් කිරිමට නියමිතය.

නීති විරෝධීලෙස ගජමුතු දෙකක් අලෙවි කිරීමට තැත්කළ පුද්ගලයින් දෙදෙනෙකු ලාහුගලදී අත්අඩංගුවට ගෙන තිබේ.

එම සැකකරුවන් වැඩිදුර පරීක්ෂණ සඳහා පොතුවිල් භාරදී තිබේ

දැඩි ආරක්ෂිත ඝනයට වැටෙන සතුන් කිහිපදෙනෙක් නීති විරෝධීව රඳවා ගෙන සිටි රත්මලාන ප්‍රදේශයේ නිවසක් වනජීවි දෙපර්තමේන්තුවේ හදිසි වැටලීම් අංශය විසින් අද දහවල් වටලනු ලැබීය.

එම නිවසේ රඳවා සිටි සතුන් අතර කිඹුල් පැටවුන් තිදෙනෙකු, අඩි අටක් පමණ දිගැති පිඹුරන් දෙදෙනෙකු ද වන බව වනජීවි සංරක්ෂණ දෙපාර්තමේන්තුව පවසයි.

ගැටපොළගෙක්, නාගයෙක් හා ගල් ඉබ්බෙක් එම නිවසේ රඳවා ගෙන සිට තිබේ.

වනජීවි දෙපාර්තමේන්තුව පැවසුවේ සතුන් රඳවා ගැනීම සදහා සකස් කරන ලද විශාල ප්‍රමාණයේ කුඩු රැසක් ද එම නිවසේ තිබී සොයාගත් බවයි.

සතුන් ඇල්ලීම සඳහා භාවිත කෙරෙන උපකරණ රැසක් ද එම නිවසේ තිබී සොයාගෙන තිබේ.

එම සතුන් අදාළ නිවසේ රදවා ගෙන සිටියේ කුමන අරමුණකින් ද යන්න පිළිබඳ සෙවීම සඳහා වනජීවි දෙපාර්තමේන්තුවේ හදිසි වැටලීම් අංශය විමර්ශන ආරම්භ කර තිබේ.